Mən Məhərrəmova Səadət Adil qızı 1992-ci ildə Qəbələ rayonu Zarağan kəndində anadan olmuşam. 1999-cu ildə həmin kəndin 1 saylı tam orta məktəbində 1-ci sinifə daxil olmuşam. 2010-cu ildə həmin məktəbi yüksək qiymətlərlə bitirmişəm. Məktəbdə oxuduğum illər ərzində məktəbin fəal, seçilmiş şagirdlərindən olmaqla yanaşı hər il “Şərəf lövhəsi”-ində öz xüsusi yerim olub. Hələ o illərdə məktəbimizin direktoru olmuş Nizami müəllim (Allah rəhmət eləsin) (Nizami Səfərəliyev Əməkdar müəllim) tərəfindən çox böyük dəstəklər almışam. Məktəbimizin İnbtidai sinif müəllimi - Tahirə müəllim (Allah rəhmət eləsin), Azərbaycan dili-Ədəbiyyat müəllimi olan Arzu müəllim, İngilis dili müəllimi -Aidə müəllim (Allah rəhmət eləsin) , Kimya müəllimi - Fəxrəddin müəllim (Allah rəhmət eləsin) və daha çox müəllimlərimdən təhsil ilə yanaşı, sevgi, qayğı, dürüstlük kimi vərdişlərə də yiyələnmişəm.

2010-2014 cü illərdə Bakı Dövlət Universitetinin Tətbiqi Riyaziyyat və Kibernetika fakultəsinin, İnformatika müəllimliyi ixtisasını bitirmişəm. Tələbə olduğum müddətdə “fərdi hazırlıq müəllim” kimi fəaliyyət göstərmişəm. Həmin illər ərzində universitetin BDU Həmkarlar İttifaqı Komitəsinin təşkil etdiyi bir çox sosial fəaliyyətlərdə eyni zamanda Qeyri Hökunət Təşkilatlarının təşkil etdiyi təlimlərdə aktiv iştirak etmişəm.

2014-2017 ci illərdə Qəbələ Regional Gənclərin Resurs Mərkəzi İB sədr müavini vəzifəsində çalışmışam. Bu illər ərzində bir çox layhələrin təşkili və tədrisində fəal iştirak edərək, bir çox sertifikatlar əldə etmişəm. 2016-cı ildə təşkil olunan “Qaçqın və Məcburi köçkünlərin İKT bacarıqlarının inkişaf etdirilməsi” layhəsinin müəllimi kimi fəaliyyət göstərmişəm. Eyni zamanda Qəbələ rayonunda təşkil olunan tədbirlər, intelektual yarışlarda aktiv iştirak etmişəm.

2015-2016 cı illərdə Qəbələ Dövlət Turizm və Otelçilik üzrə Peşə Təhsil Mərkəzində kompüter operatoru vəzifəsində işləmişəm.

2015 ci ildən bəri Eduland Tədris Mərkəzində İnformatika müəllimi kimi fəaliyyət göstərirəm.

2020-ci ildən Müəllimlərin İşə Qəbulu imtahanında uğur qazanaraq Qəbələ rayon Vəndam qəsəbəsi Hikmət Rəşidov adına 2 saylı tam orta məktəbində, İnformatika müəllimi kimi fəaliyyət göstərirəm.

2020-ci ildən Təhsil Forumu sosial platformasında informatika müəllimləri üçün müxtəlif mövzularda suallar, sınaqlar, mövzu izahları və müzakirələr aparmışam.

2020-ci ildən İnformatika Bələdçi kitablarının həmmüəllifi olmuşam.

2021 ci ildə Azərbaycan Respublikası Təhsil Nazirliyinin Təhsildə İnkişaf və İnnovasiyalar üzrə V Qrant müsabiqəsinin qalibi, layihə rəhbəri olmuşam. Layihənin adı “Məktəblinin Robototexnika təlimi klubu” layihəsidir.

2021 ci ildə Azərbaycan Respublikası Təhsil Nazirliyini Qəbələ rayon təhsil şöbəsinin “Fəxri Fərman”, işlədiyim məktəbin rəhbərliyi tərəfindən “Təşəkkürnamə” ilə təltif olunmuşam.

2021-2022 ci illərdə Qəbələ rayon Vəndam qəsəbəsi Eldəniz Mehdiyev adına 1 saylı tam orta məktəb, Peşə təmayüllü siniflərin təşkili layihəsi, Help desk ixtisas müəllimi kimi fəaliyyət göstərmişəm.

2022 -2024 ci ildən Qəbələ rayon Vəndam qəsəbəsi Eldəniz Mehdiyev adına 1 saylı tam orta məktəb, Peşə təmayüllü siniflərin təşkili layihəsi, Kompüter operatoru ixtisas müəllimi kimi fəaliyyət göstərmişəm.

2022-2024 ci illərdə Dövlət İmtahan Mərkəzinin setifikatlı zal nəzarətçisi kimi fəaliyyət göstərmişəm

İnformatika ixtisası üzrə:
-Müəllimlərin işə qəbulu(MİQ) hazırlığında müdavimlərim yüksək bal toplayaraq bir çoxu Bakı şəhərində, litseylərdə, müxtəlif regionlarda müəllim kimi fəaliyyət göstərirlər. Müdavimlərimizin bir çoxu region birinciləri sırasında olublar.

-Dövlət Qulluğuna hazırlıq qruplarda dərs alan namizədlərimizin bir çoxu Dövlət imtahan mərkəzinin təşkil etdiyi BB və ya BA kataqoriyası üzrə təşkil olunan imtahanlarda informatika ixtisası üzrə 15/15, 14/15, 13/15 …. 8/15 nəticə göstərək, ümumi bal 92, 89, ….69 bal toplayıb, hal-hazırda bir çox dövlət sektorlarında müxtəlif vəzifələrdə çalışırlar.

-Abituriyent hazırlığı dərslərimizdən Dövlət İmtahan Mərkəzinin təşkil etdiyi 2022-2023 tədris ilində, 11-ci sinif şagirdləri informatika imtahanında 4 şagirdimiz 100% nəticə göstərib. Qəbul balları 601+ olan 19 şagirdimiz tələbə adını qazanaraq, özəl və dövlət universitetlərində təhsil alırlar.

2019-cu ildən 2022 il (2019-2022) ardıcıl təşkil olunan, 3 aylıq İKT bacarıqlarının artırılması kursumuzda hər il 200-yə yaxın müxtəlif ixtisaslı müəllimlər təlimlərə cəlb olunur, sonda imtahan nəticəsi uğurlu olanlar sertifikatla təmin olunmuşdur.

2021-ci ildə AzEdu Təhsil Portalı paytaxtda və regionlardan aktiv fəaliyyəti ilə fərqlənən müəllimləri layihəysi olan 100 “Örnək müəllim” -dən biri olmuşam.

2023-cü ildə Azərbaycan Dövlət Pedoqoji universitetində keçirilən İnformatika müəllimlərinin birinci forumunda “İnformatika müəllimlərinin bilik və bacarıqlarının artırılması” mövzusunda öz fikirlərim ilə çıxış etmişəm.

2023-cü ildə Azərbaycan Maarifçilər Assosiyasının təşkili ilə 3 müsabiqədən keçərək Qəbələ şəhəri üzrə Təhsili səfiri seçilmişəm.

2023-cü ildə müxtəlif region və şəhərlərdə yaşayan 500+ İnformatika müəllimləri üçün online ZOOM platformasında 12 modul, hər modul 2 saatdan ibarət Python proqramlaşdırma dilinin tətbiqi təlimi ödənişsiz təşkil etmişəm.

04.12.2023 - 21.01.2024 tarixləri arasında İstanbul Arel Universitetində keçirilən 120 saatlıq “Python ilə Tətbiqi Süni İntellekt” təlimini uğurla başa vuraraq bu sertifikatı almağa layiq görülmüşdür.

“Tədrisdə Mükəmməllik – Fərdi” kateqoriyasında “Azərbaycan 2023-24-cü ilin Fəal Müəllimi” adına layiq görülmüşəm. Award və Sertifikatı 14 yanvar 2024-cü il tarixində Qlobal Təhsil Sammiti Dubayda almışam.

2024-cü ildə RM nəşriyyat təşkilatçılığı ilə keçirilən İnformatika müəllimlərinin ikinci forumunda iştirak və çıxış edərək, sertifikatla təmin olunmuşam.

2024-cü ildə AKS-ın Azərbaycandakı rəsmi səfiri tərəfindən “döş nişanı” ilə təltif olunmuşam.

2024-cü ilə MetaMind Azərbaycan tərəfindən təşkil olunan "Global Authorship" layihəsinin rəsmi koordinatoru seçilmişəm. “FROM classroom to Canva” kitabının həmmüəllifiyəm.

2024-cü ildə şagirdim ilə SAF 2024-də “JURY AWARD” mükafatına laiq görülüb.

2024-cü ildə Azad Mirzəcanzadə inkişaf proqramının “Rəqəmsal Dünyada ağılın idarə olunması” layihəsnin təlimçisi olmuşam.

2024-cü ildə Təhsildə İnnovativ Texnologiyalar Əlavə Təhsil Mərkəzinin keçirdiyi "Təlimçi hazırlığı" üzrə 36 saatlıq təlimdə aktiv iştirak edib, TOT sertifikatına laiq görülmüşəm.

2-9 Dekabr 2024-cü il tarixlarda keçirilən
"Bebras" informatika va Alqoritmik düşüncə müsabiqəsinin 2024-2025-ci tədris ili üzrə "Bebras" həftəsində aktiv istirak edib TƏŞƏKKÜRNAMƏYƏ laiq görülmüşəm.

2024-cü ildə Azərbaycan Dövlət Pedaqoji Universiteti
STEAM Mərkəzi, Cavid Tapdıqlı tərəfindən təşkil olunan,
“Ümumtəhsil müəssisələrində STEAM fənninin tədrisinin təkmilləşdirilməsi istiqaməti üzrə 10 akademik saat STEAM təlimində iştirak edərək STEAM sertifikata laiq görülmüşəm.

2025-ci ildə AGMA-Azərbaycan Gənc Müəllimlər Assosiyasının məktəb kordinatoru seçilmişəm.

2025-ci ildə AGMA-Azərbaycan Gənc Müəllimlər Assosiyasının təşkili ilə Qəbələ və Şəki şəhərində müəllimlər üçün İKT bacarıqları, Süni intellektin müəllimin həyatında rolu adlı təlimlərdə təlimçi olmuşam.

2025-ci ildə AGMA-Azərbaycan Gənc Müəllimlər Assosiyasının təşkili ilə Qəbələdə sertifikatlaşdırma imtahanı verəcək müəllimlər üçün “İKT bacarıqlarının artırılması” adlı təlimlərdə təlimçi olmuşam. Müxtəlif ixtisasdan olan müəllimlər üçün Kompüterdən istifadə adlı qaydaları praktiki öyrədilib və online sınaqlar üzərində təcrübə edilib.

2025- ci ildə şagirdlərimin olimpiada qalibləri olması, müxtəlif İT sahəsi üzrə ADA, UNEC, ADNSU
və s. universitetlərdə tələbə adını qazanmışdır.

2025-ci ildə müxtəlif regionlarda və şəhərlərdə olan müxtəlif ixtisas müəllimləri üçün 9 ödənişsiz təlim keçmişəm.
1️⃣“Google Forms Web 2.0 alətinin təhsilə tətbiqi“
2️⃣“Kahoot Web 2.0 alətinin təhsilə tətbiqi“
3️⃣”oxuyan .az saytında online sınaq hazırlanması”
4️⃣”süni intellekt müəllim həyatında (CHATGPT)”
5️⃣”Krossvord hazırlanması/Microsoft PowerPoint proqramında “hiperistinad və qruplaşdırma” yaradılması”
6️⃣”learningapps. org platformasında Milyonçu oyunu hazırlamaq"
7️⃣”MagicSchool Aİ platformasının təhsilə tətbiqi
8️⃣”quizizz . com platformasının təhsilə tətbiqi adlı
9️⃣ “Gamma” platformasının təhsilə tətbiqi adlı
1️⃣0️⃣ “NotebookLM” platformasının təhsilə tətbiqi adlı
1️⃣1️⃣ “Süni İntellekt alətləri ilə iş vərəqlərinin hazırlanması” təhsilə tətbiqi adlı

2025-ci ildə MCE(Microsoft sertifikatlı pedoqoq) 842/900 beynəxalq sertifikatı əldə etmişəm

2025-ci ildə İCDL-Rəqəmsal savadlılıq İKT adlı beynəxalq 91%/100% sertifikatı əldə etmişəm.

2025-ci ildə Elm və Təhsil Nazirliyinin rəsmi media qurumu olan "Azərbaycan müəllimi" qəzetinin səfiri seçilmişəm.

2025-ci ildə Azərbaycan Respublikası Təhsil Nazirliyi Təhsildə İnkişaf və İnnovasiyalar üzrə lX Qrant müsabiqəsinin qalibi, layihə rəhbəri olmuşam. Layihənin adı “Dərsdə VİZUAL güc GAMMA ilə tədris” layihəsi

2025–2026 proqram ili üçün Microsoft İnnovativ Təhsilçi (MIE) Ekspert seçilmişəm.

2025-ci ildə müəllimlərin sertifikatlaşdırılması test imtahanında 55/60, müsahibə mərhələsində isə 40/40 bal toplamışam

2025-ci ildə SAF 2025 Beynəxalaq festivalında CubeSat kateqoriyası üzrə Mentor, 3-cü yerin qalibi, Design Awards mükafatı, 2 bürünc medal

Courses platformasından ixtisasım üzrə bir çox Beynəxalq sertifikatlar əldə etmişəm.

2026- cı il ARTİ Müasir Metodist layihəsinin seçim mərhələsində uğurlu nəticə əldə etmişəm.

2026-cı ildə Qəbələ rayonu Vəndam qəsəbəsi Hikmət Rəşidov adına 2 nömrəli tam orta məktəbin direktoru tərəfindən “FƏXRİ FƏRMAN” ilə təltif olunmuşam.

Sertifikatlar/Vebinarlarda iştirak
“Power Bl with SQLite and Primavera P6”
“Tədris prosesində interaktiv proqramlardan və internet xidmətlərindən istifadə”
"Təhsildə ENNEAGRAM"
"Müəllimin Psixoemosional Ehtiyacları"
"Tədrisin interaktiv fəal təşkili"
“Active Methodology Organized by the Global Community”
“Praktiki Mühasibatlıq”
“İnsan Resurslarında Peşəkar İşHəyatı” və s.

İnformatika fənni ilə bağlı bir çox kitabların həmmüəllifidir.

- “Müəllimə Dəstək” 5-11-ci sinif informatika test toplusu;
- “İnformatika Bələdçi” nəzəriyyə və test toplusu (MİQ);
- “İnformatika Bələdçi” nəzəriyyə və test toplusu (Abituriyent) ;
- “İnformatika Bələdçi” nəzəriyyə və test toplusu (Dövlət Qulluğu) ;
- "İnformatika bələdçi" sınaqlar kitabı(MİQ) ;
- "İnformatika bələdçi" sınaqlar kitabı(Abituriyent) ;
- “Müəllimə Dəstək” 6- ci sinif informatika test toplusu;
- “Müəllimə Dəstək” 7-ci sinif informatika test toplusu;
- “Müəllimə Dəstək” 8-ci sinif informatika test toplusu;
—“Python proqramlaşdırma dili” test toplusu ;

Mükəmməl biliyə sahib olduğum proqramlar

Ms Office ( Word, Excel, PowerPoint, Access, Publisher, Onenote)
Aİ alətləri (ChatGPT, Claude, Gemini, Perplexity, DeepSeek, Copilot, Grok, Lovable, Manus, NanoBanana, Leonardo AI, Meta AI, Assembly AI, Canva AI, Veo 3, Sora 2, Kimi, Kling və s.)
Python, PyCharm
Scratch
Google Classroom
Zoom
Microsoft Teams
Google Forms
HTML

Dil biliklərim
Azərbaycan dili - yüksək
Türk dili - yüksək
İngilis dili - orta
Rus dili - zəif

Mən düşünürəm ki, inkişaf edən dövrümüzdə ən yaxşı müəllim olmaq üçün daima çalışmaq lazımdır. Yerli və xarici ədəbiyyatlardan daima axtarışda olmalıyıq. Yeni bilgilər əldə etməliyik. İstifadəyə verilən avandanlıq və proqram təminatını öyrənməkdən yayınmamalıyıq. İndiyə qədər qazandığım bütün uğurlara öz zəhmətim, bilik və bacarığım ilə əldə etmişəm. Mənə elə gəlir ki, nə qədər əziyyət çəkiriksə o qədər uğurlu oluruq.

20 Yanvar 1993-ci ildə Qazax rayonu daşsalahlı kəndində anadan olub. 2012-cı ildə Müəllimlər İnsitutunun İnformatika və Riyaziyyat müəllimliyi fakultəsinə qəbul olub, 2018-ci ildə MAKA-nın Tofiq İsmayılov adına Elmi Tədqiqat İnsitutunda böyük elmi işçi vəzifəsində işə başlayıb. 2022-ci ildən 2025-ci ilədək Gürcüstan təhsil Akademiyasının "İdarəetmənin Təşkili" kafedrasında müəllim vəzifəsində çalışıb. Hal hazırda təsisçisi olduğu Mentor.al yayımlarında direktor vəzifəsində çalışır.

Mən, Gülnur Tanrıverdi, 01 yanvar 1998-ci ildə Azərbaycan Respublikasının Zaqatala rayonunda anadan olmuşam.
2015-ci ildə Bakı Dövlət Universitetinin bakalavr pilləsinə qəbul olmuşam. 2019-cu ildə bakalavr təhsilimi başa vurmuşam.
2021–2023-cü illərdə Azərbaycan Dövlət Pedaqoji Universitetində magistratura pilləsində təhsil almış və 2023-cü ildə magistr təhsilimi uğurla başa vurmuşam.
Hazırda M. Nəcəfov adına 86 nömrəli tam orta məktəbdə Informatika muellimi vezifesinde çalışıram.

Mən Rəhimov Şənlik Şamil oğlu 1 yanvar 1990-cı ildə Lerik rayonunun Veri Əliabadı kəndində anadan olmuşam.1996-cı ildə Valeh Rəhimov adına Veri Əliabdı kənd ümumi orta ümumtəhsil məktəbinin 1-ci sinifinə daxil olmuşam.2003-cu ildə Kimya-Biologiya liseyinin 8 ci sinifinə daxil olmuşam.2006-cı ildən Lerik rayonu Telman Kazımov adıan Veri kənd tam orta məktəbinin 11-ci sinfinə daxil olmuşam.2007-2011-ci illərdə Lənkəran Dövlət Üniversitetinin Riyaziyyat və İnformatika ixtisına yiyələnmişəm.2012-ci ildə həqiqi hərbi xidmətdə olmuşam.2013-cu ildən 2025-ci ilin senyatbr ayının 12 -nə dək Lerik rayonu Valeh Rəhimov adıan Veri Əliabadı kənd ümumi orta məktəbində Riyaziyyat və İnformatika müəllimi kimi fəaliyyət göstərmişəm.2025-ci ilin sentyabr ayının 15-dən Abşeron rayonu Mehdiabad qəsəbə 4 nömrəli məktəbində İnformatika müəllimi kimi fəaliyyət göstərməyə başalmışam.Cari sertifikasiya imthanında 55 bal toplamışam.Ailəliyəm , 3 övladım var.

20 Yanvar 1993-ci ildə Qazax rayonu daşsalahlı kəndində anadan olub. 2012-cı ildə Müəllimlər İnsitutunun İnformatika və Riyaziyyat müəllimliyi fakultəsinə qəbul olub, 2018-ci ildə MAKA-nın Tofiq İsmayılov adına Elmi Tədqiqat İnsitutunda böyük elmi işçi vəzifəsində işə başlayıb. 2022-ci ildən 2025-ci ilədək Gürcüstan təhsil Akademiyasının "İdarəetmənin Təşkili" kafedrasında müəllim vəzifəsində çalışıb. Hal hazırda təsisçisi olduğu Mentor.al yayımlarında direktor vəzifəsində çalışır.